Reclamación por falta de respuesta a solicitud de documentación sobre atención social en la Consellería de Política Social

ASUNTO: Resolución da Comisión da Transparencia de Galicia na reclamación presentada ao amparo do artigo 28 da lei 1/2016, do 18 de xaneiro, de transparencia e bo goberno En resposta á reclamación presentada por : xxxxxxxxx xxxxxxxxx xxxxxxxx e : xxxxxxxxx xxxxxxxxx xxxxxxxx, mediante escrito do 11 de outubro de 2016, a Comisión da Transparencia, considerando os Antecedentes e Fundamentos Xurídicos que se especifican a continuación, adopta a seguinte resolución: ANTECEDENTES Primeiro. : xxxxxxxxx xxxxxxxxx xxxxxxxx e : xxxxxxxxx xxxxxxxxx xxxxxxxx presentaron, mediante escrito con entrada no rexistro do Valedor do Pobo o día 11 de outubro de 2016, unha reclamación ao amparo do disposto artigo 28 da Lei 1/2016, do 18 de xaneiro, de transparencia e bo goberno, por entender desatendida unha solicitude de acceso á información por parte da Consellería de Política Social. Os interesados indicaban que a Consellería de Política Social da Xunta de Galicia non lle achegou documentación e solicitaba “la documentación detallada en dichos escritos enviados a la Consellería de Política Social de la Xunta de Galicia”. Os escritos en cuestión, que eles presentaron na Consellería e que din que non se lle contestaron son de 22/04/2016 número 815/RX1079207 e de 03/06/16 con número e rexistro 1105/RX1513287. En relación ao de 22/04/2016 Solicita pedían que se lles enviara a documentación exposta. A documentación que se pretende ter pedido foi : pág. 1 “ que se me envíe la documentación del departamento del consorcio según consta en el informe redactado por la : xxxxxxxxx xxxxxxxxx xxxxxxxx en el año 2011. En dicho informe contan diferentes contradicciones además de errores por lo tanto solicito documentación de lo siguiente: 1ª.- Julio 2011: Consta que hemos percibido la prestación de mayores de 45 años. 2º.- Agosto 2011: se dice que he sido denunciada por la trabajadora social por acoso. 3º.- Septiembre 2011: No me dado de baja no se atiene a las profesiones de mi curriculum. Se me da de baja en el plan de inclusión por negarme a participar en acciones formativas. 4º.- Documentación del por qué se ha excluido a : xxxxxxxxx xxxxxxxxx xxxxxxxx por parte del consorcio gallego de exclusión. 5º.- Documentación que acredite las acutaciones que han realizado con : xxxxxxxxx xxxxxxxxx xxxxxxxx al igual que con : xxxxxxxxx xxxxxxxxx xxxxxxxx. 6º.- Que se me envíe el currículo que exponga que solicitaba acciones formativas de cocina según el informe y el por qué lo he rechazado. Le envío el informe sobre lo relacionado con la documentación que solicito.” En relación ao escrito de 03/06/16, o que pedían era que se lle dera resposta ao de 22 de abril de 2016. A reclamación que orixina este escrito ante a Consellería de Política Social viña acompañada de diversa documentación que non é necesaria para a resolución. FUNDAMENTOS XURÍDICOS A lexislación aplicable a este procedemento ven configurada pola Lei 19/2013, de 9 de decembre, de transparencia, acceso á información pública e bo goberno, de carácter básico, e a Lei 1/2016, do 18 de xaneiro, de transparencia e bo goberno da Comunidade Autónoma de Galicia, xunto coa lexislación básica en materia de procedemento administrativo á que se remiten as anteriores. Primeiro.- Competencia O artigo 28 da Lei 1/2016, do 18 de xaneiro, de transparencia e bo goberno, establece que, contra toda resolución expresa ou presunta en materia de acceso á información pública, poderá interpoñerse unha reclamación perante o Valedor do Pobo. O artigo 33 da Lei 1/2016, do 18 de xaneiro, de transparencia e bo goberno, indica que corresponde á Comisión da Transparencia a resolución das reclamacións fronte ás resolucións de acceso á información pública que establece o artigo 28 da Lei 1/2016, do 18 de xaneiro, de transparencia e bo goberno. Segundo.- Procedemento aplicable O artigo 28.3 da Lei 1/2016, do 18 de xaneiro, de transparencia e bo goberno preceptúa que o seu procedemento se axustará ao previsto nos números 2, 3, e 4 do artigo 24 da Lei 19/2013, de 9 de decembre, de transparencia, acceso á información pública e bo goberno, para as reclamacións perante o Consejo de Transparencia y Buen Gobierno. A Lei 19/2013, do 9 de decembro, pola súa parte, sinala que estamos ante unha reclamación con carácter potestativo e previo á súa impugnación en vía contencioso-administrativa, e que se axustará na súa tramitación ao disposto na lexislación de procedemento administrativo común en materia de recursos. Terceiro.- Dereito de acceso á información pública  Ámbito material A Lei 1/2016, do 18 de xaneiro recoñece no seu artigo 24 o dereito de todas as persoas a acceder á información pública, entendida, como “os contidos ou documentos, calquera que sexa o seu formato ou soporte, que consten en poder dalgún dos suxeitos incluídos no ámbito de aplicación desta lei e que fosen elaborados ou adquiridos en exercicio das súas funcións”.  Lexitimación pág. 3 O artigo 12 da Lei 19/2013, do 9 de decembre, configura o dereito de acceso á información pública de forma ampla, sendo titulares do mesmo todas as persoas. A Lei 1/2016, do 18 de xaneiro, sinala que a persoa solicitante non está obrigada a motivar a súa solicitude de acceso á información, no seu artigo 26.4.  Limitacións que poden afectar ao seu exercicio: A Lei 19/2013, do 9 de decembro, prevé nos artigos 14 e 15 uns límites ao dereito ao acceso, por razón da materia e por mor da protección dos datos de carácter persoal. Todas as solicitudes, que non entren dentro destes límites deberán ser atendidas, agás que existan limitacións e así se xustifiquen debidamente co chamado test de danos, ou algunha das causas de inadmisión do artigo 18 desta lei. Cuarto.- Análise do expediente A reclamación trae a súa orixe no documento ao que a reclamante ten acceso que é un informe que o departamento de inclusión emitido pola Asesora de Coordinación dos equipos de inclusión social e dirixido á Xerencia do Consorcio titulado “Informe sobre a atención realizada a dous usuarios do II PGIS no Equipo Comarcal de Inclusión Social de Gondomar” e do que obtén copia. Dende entón demanda que a Consellería lle aclare a situación. Na reclamación á comisión a interesada di “permitanme puntualizar que lo que estoy solicitando es documentación”. Como se ve nos antecedentes a documentación está xa en poder dos interesados, o que se demanda é unha valoración a partires dunhas premisas. Esta Comisión entende que esta solicitude non forma parte do concepto de información pública legalmente definida no artigo 24 da Lei 1/2016, do 18 de xaneiro e que fai referencia a “contidos e documentos, calquera que sexa o seu formato ou soporte, que obren en poder dalgún dos suxeitos incluídos no ámbito de aplicación do título I da lei 19/2013, do 9 de decembro, e que fosen elaborados ou adquiridos no exercicio das súas funcións”. Quinto.- En conclusión procede desestimar a petición dos interesados, sen solicitar información á consellería, posto que a petición que se realizou ante a Consellería de Política Social non entra dentro do concepto de información pública legalmente definida na lexislación de transparencia. RESOLUCIÓN En atención aos anteriores antecedentes, fundamentos xurídicos, procede Primeiro. Desestimar a reclamación presentada por : xxxxxxxxx xxxxxxxxx xxxxxxxx con data 11 de outubro de 2016, contra Consellería de Política Social por non tratarse dunha solicitude de acceso á información pública. Segundo. Notifíquese a Consellería de Política Social. Contra a presente resolución, que pon fin á vía administrativa, unicamente cabe, en caso de desconformidade, o interpoñer recurso contencioso-administrativo, no prazo de dous meses, contados desde o día seguinte a notificación desta resolución, de conformidade co previsto no artigo 8.2 a Lei 29/1998, do 13 de xullo, reguladora da xurisdición contencioso-administrativa. Santiago de Compostela, 22 de novembro de 2016 A presidenta da Comisión da Transparencia Milagros Otero Parga pág. 5