Reclamación por acceso a la información pública contra el Concello de Baiona sobre acta de reunión de 2007

ASUNTO: Resolución da Comisión da Transparencia de Galicia na reclamación presentada ao amparo da disposición adicional quinta da lei 1/2016, do 18 de xaneiro, de transparencia e bo goberno En resposta á reclamación presentada por xxxxxx xxxxxx mediante escrito do 10 de agosto de 2016, a Comisión da Transparencia, considerando os Antecedentes e Fundamentos Xurídicos que se especifican a continuación, adopta a seguinte resolución: ANTECEDENTES Primeiro. Xxxxxxxxxxxxxxx presentou, mediante escrito con entrada no rexistro do Valedor do Pobo o día 10 de agosto de 2016, unha reclamación ao amparo do disposto na disposición adicional 5ª da Lei 1/2016, do 18 de xaneiro, de transparencia e bo goberno, por entender desatendida unha solicitude de acceso á información por parte do Concello de Baiona. A interesada indicaba que o 25 de marzo de 2010 o Concello de Baiona lle deu acceso ao expediente existente sobre a súa persoa na concellería de igualdade. Nese expediente había un escrito de 27 de novembro de 2007 que literalmente dicía: “As persoas da Concellería de Igualdade, Benestar Social e Traballo, preocupadas pola situación dunha veciña. Informamos: Que reunidos o dia 27 de novembro, para tratar o escrito dirixido ao Alcalde recibido o 15 de novembro, de xxxxxxxxxxxxxxx. Acordamos: pág. 1 Que neste caso, coma en outros que se puideran prantexar, débese seguir un procedemento. Sempre se debe dar resposta por escrito por parte da administración local, as reclamacións dos veciños e veciñas. Por outra banda, esta contestación, dado o coñecemento da situación persoal da veciña, sería aconsellable que dende a Alcaldía se mantivese unha reunión:  Primeiro cos posibles traballadores afectados, tamén propoñemos que cada servizo informe dos posibles problemas tidos con este veciño ou veciña.  Despois co veciño ou veciña, na que se lle expoña de maneira clara e precisa as competencias dos diferentes servizos.  Así como, que os traballadores non poden ser “acosados” ou “difamados” sen razóns. As persoas afectadas somos conscientes dos nosos deberes e obrigacións, pero tamén dos nosos dereitos.  Sería aconsellable por parte da Alcaldía a investigación das posibles causas externas a administración local que poden xerar a problemática desta veciña” A reclamación que orixina este escrito do concello viña acompañado de diversa documentación que non é necesaria para a resolución, salvo indicar que o que lle demanda a interesada ao concello por escritos de 29.08.2012 e o 17.06.2016 é que lle digan por qué nese escrito se lle chama acosadora e difamadora. FUNDAMENTOS XURÍDICOS A lexislación aplicable a este procedemento ven configurada pola Lei 19/2013, de 9 de decembro, de transparencia, acceso á información pública e bo goberno, de carácter básico, e a Lei 1/2016, do 18 de xaneiro, de transparencia e bo goberno da Comunidade Autónoma de Galicia, xunto coa lexislación básica en materia de procedemento administrativo á que se remiten as anteriores. Primeiro.- Competencia O artigo 28 da Lei 1/2016, do 18 de xaneiro, de transparencia e bo goberno, establece que, contra toda resolución expresa ou presunta en materia de acceso á información pública, poderá interpoñerse unha reclamación perante o Valedor do Pobo. O artigo 33 da Lei 1/2016, do 18 de xaneiro, de transparencia e bo goberno, indica que corresponde á Comisión da Transparencia a resolución das reclamacións fronte ás resolucións de acceso á información pública que establece o artigo 28 da Lei 1/2016, do 18 de xaneiro, de transparencia e bo goberno. Segundo.- Procedemento aplicable O artigo 28.3 da Lei 1/2016, do 18 de xaneiro, de transparencia e bo goberno preceptúa que o seu procedemento se axustará ao previsto nos números 2, 3, e 4 do artigo 24 da Lei 19/2013, de 9 de decembre, de transparencia, acceso á información pública e bo goberno, para as reclamacións perante o Consejo de Transparencia y Buen Gobierno. A Lei 19/2013, do 9 de decembro, pola súa parte, sinala que estamos ante unha reclamación con carácter potestativo e previo á súa impugnación en vía contencioso-administrativa, e que se axustará na súa tramitación ao disposto na lexislación de procedemento administrativo común en materia de recursos. Terceiro.- Dereito de acceso á información pública  Ámbito material A Lei 1/2016, do 18 de xaneiro recoñece no seu artigo 24 o dereito de todas as persoas a acceder á información pública, entendida, como “os contidos ou documentos, calquera que sexa o seu formato ou soporte, que consten en poder dalgún dos suxeitos incluídos no ámbito de aplicación desta lei e que fosen elaborados ou adquiridos en exercicio das súas funcións”.  Lexitimación O artigo 12 da Lei 19/2013, do 9 de decembre, configura o dereito de acceso á información pública de forma ampla, sendo titulares do mesmo todas as persoas. A Lei 1/2016, do 18 de xaneiro, sinala que a persoa solicitante non está obrigada a motivar a súa solicitude de acceso á información, no seu artigo 26.4.  Limitacións que poden afectar ao seu exercicio: A Lei 19/2013, do 9 de decembro, prevé nos artigos 14 e 15 uns límites ao dereito ao acceso, por razón da materia e por mor da protección dos datos de carácter persoal. Todas as solicitudes, que non entren dentro destes límites deberán ser atendidas, agás que existan limitacións e así se xustifiquen debidamente co chamado test de danos, ou algunha das causas de inadmisión do artigo 18 desta lei. Cuarto.- Análise do expediente A reclamación trae a súa orixe no documento ao que a reclamante ten acceso no Concello de Baiona e do que obtén copia no ano 2010. Dende entón demanda que o concello lle aclare a situación. Na reclamación á Comisión a interesada di “entiendan que no les solicito el comportamiento de los servidores públicos sino la documentación que ha llevado a esta reunión”. No escrito de reclamación indica que “bajo mi humilde entender, cuando cuatro servidores públicos se sientan alrededor de una mesa y exponen cuatro puntos se entiende que tienen que tener documentación. Por lo tanto, la documentación que solicito”. Pois ben da análise da documentación achegada pola propia interesada vese claramente que o persoal da Concellería de Igualdade, Benestar Social e Traballo, se reúnen para tratar o escrito dirixido ao Alcalde recibido no concello o 15 de novembro, presentado pola propia reclamante. Ese é o único antecedente que orixina esa reunión. pág. 3 Como se ve nos antecedentes o que busca a interesada é que se valore por qué se lle chamou difamadora e acosadora. Por tanto se demanda unha valoración a partires dunhas premisas. Esta Comisión entende que esta solicitude non forma parte do concepto de información pública legalmente definida no artigo 24 da Lei 1/2016, do 18 de xaneiro e que fai referencia a “contidos e documentos, calquera que sexa o seu formato ou soporte, que obren en poder dalgún dos suxeitos incluídos no ámbito de aplicación do título I da lei 19/2013, do 9 de decembro, e que fosen elaborados ou adquiridos no exercicio das súas funcións”. O artigo 110.2 da Lei 30/1992, do 26 de novembro di que o erro da cualificación do recurso por parte da persoa recorrente non será obstáculo para a súa tramitación, sempre que se deduza o seu verdadeiro carácter. A persoa interesada achega as dúas solicitudes ante o concello indicadas nos antecedentes que non corresponde, por tanto, cualificalo como unha reclamación fronte ás resolucións en materia de acceso á información pública da disposición adicional quinta da lei 1/2016, do 18 de xaneiro. Quinto.- En conclusión procede desestimar a petición da interesada, sen solicitar información ao concello, posto que a documentación que deu lugar a reunión de 27 de novembro de 2007, e que é a que da lugar a que a interesada se dirixa desde o ano 2010, que é cando ten coñecemento da súa existencia, ao concello para que se lle explique, trae a súa orixe nas propias actuacións desta persoa, e a petición realizada ante o Concello non é unha petición de acceso a información pública. RESOLUCIÓN En atención aos anteriores antecedentes, fundamentos xurídicos, procede Primeiro. Desestimar a reclamación presentada por xxxx xxxxxxxxxx xxxxxx con data 10 de agosto de 2016, contra o Concello de Baiona por non tratarse dunha solicitude de acceso á información pública. Segundo. Notifíquese ao concello esta resolución. Contra a presente resolución, que pon fin á vía administrativa, unicamente cabe, en caso de desconformidade, o interpoñer recurso contencioso-administrativo, no prazo de dous meses, contados desde o día seguinte a notificación desta resolución, de conformidade co previsto no artigo 8.2 a Lei 29/1998, do 13 de xullo, reguladora da xurisdición contencioso-administrativa. Santiago de Compostela, 22 de novembro A presidenta da Comisión da Transparencia Milagros Otero Parga