Reclamación por silencio administrativo sobre solicitud de copia de expediente de explotaciones mineras en Boborás

ASUNTO: Resolución da Comisión da Transparencia de Galicia na reclamación presentada ao amparo do artigo 28 da Lei 1/2016, do 18 de xaneiro, de transparencia e bo goberno Vista a reclamación presentada por , en representación da , mediante escrito do 2 de Xaneiro de 2019, a Comisión da Transparencia, considerando os antecedentes e fundamentos xurídicos que se especifican a continuación, adopta a seguinte resolución: ANTECEDENTES Primeiro. , en representación da presentou, mediante escrito con entrada no rexistro do Valedor do Pobo o 02/01/2019, unha reclamación ao amparo do disposto no artigo 28 da Lei 1/2016, do 18 de xaneiro, de transparencia e bo goberno, por entender desestimada por silencio administrativo, a súa solicitude de obtención de copia á Xefatura Territorial de Ourense da Consellería de Economía, Emprego e Industria, do expediente relativo á súa solicitude presentada con data do 1 de outubro de 2018, mediante documento con rexistro 2018/2463528 O escrito viña acompañado de copia da súa solicitude de acceso á información e copia de certificado da secretaria da na que se fai constar o nomeamento de como . Segundo. Con data 18 de Xaneiro de 2019 déuselle traslado da documentación achegada polo reclamante á Consellería de Economía, Emprego e Industria, remitíndoselle por erro, copia da documentación correspondente ao expediente RSCTG 5/19. Advertido o erro, con data do (+34) 98156 97 40 Rúa do Hórreo, 65 15700, Santiago de Compostela A Coruña [email protected] www.comisiondatransparencia.ga1 18 de febreiro de 2019, se lle remite copia da documentación presentada pola interesada para que, en cumprimento da normativa de transparencia, achegase informe e copia completa e ordenada do expediente. Terceiro. Con data 11 de Marzo de 2019 a Consellería de Economía, Emprego e Industria contesta a petición remitindo o informe e o expediente instruído. Neste informe, en resumo, indícase que a Asociación presentou o 30 de setembro de 2018, no rexistro da xefatura territorial da Consellería de Economía, Emprego e Industria n Ourense (núm. rexistro 00999027) unha solicitude de información e copia de documentación en relación coas explotacións mineiras OU/C/4587.1 Fondevila, OU/C/4847 Osmo, OU/C/5190 Macarena, OU/C/5249 Maite e OU/C/5243 Brués- San Amaro, no termo municipal de Boborás. Con data 15 de novembro de 2018 , con DNI , en representación da Asociación presentou un segundo escrito no que solicita copia do expediente relativo á solicitude rexistrada na Xefatura Territorial da Consellería de Economía, Emprego e Industria en Ourense con rexistro 2018/2463528. A solicitude efectuada versa sobre un expediente iniciado a instancia da devandita asociación, cal é o propio expediente de acceso á información iniciado pola propia asociación, no que ten a condición de interesada FUNDAMENTOS XURÍDICOS Primeiro. Competencia e normativa O artigo 24 da Lei 19/2013, do 9 de decembro, de transparencia, acceso á información pública e bo goberno, de carácter básico na súa práctica totalidade, establece que contra toda resolución expresa ou presunta en materia de acceso á información, poderá interpoñerse unha reclamación ante o Canse/lo de Transparencia e Bo Goberno, con carácter potestativo e previa a súa impugnación en vía contencioso-administrativa. Esa mesma lei, na súa disposición adicional cuarta, establece que a resolución da reclamación prevista no artigo 24 corresponderá, nos supostos de resolucións ditadas polas Administracións das Comunidades autónomas e o seu sector público, e polas Entidades Locais comprendidas no seu ámbito territorial, ao órgano independente que determinen as Comunidades Autónomas. O artigo 28 da Lei 1/2016, do 18 de xaneiro, de transparencia e bo goberno, establece que contra toda resolución expresa ou presunta en materia de acceso á información pública, poderá interpoñerse unha reclamación ante o Valedor do Pobo, correspondendo á Comisión da Transparencia, de acordo co disposto no artigo 33, a resolución das devanditas reclamacións.