Solicitud de datos numéricos sobre profesores procedentes de listas y discapacidades

(+34) 981 5697 40 Rúa do Hórreo, 65 15700, Santiago de Compostela A Coruña [email protected] www.comisiondatransparencia.ga1 Terceiro. Con data 18 de febreiro de 2019 a Secretaría Xeral Técnica da Consellería de Educación, Universidade e Formación Profesional contesta a petición remitindo o informe e o expediente instruído. Neste informe, en resumo, indícase que con data do 18 de febreiro de 2019, emitiuse resolución de inadmisión da dita solicitude, por considerar, en base ao disposto no artigo 18.1.e) da Leí 19/2013 que a solicitude ten un carácter abusivo, non xustificado coa finalidade de transparencia da Lei. Se indica que a Consellería non dispón da información solicitada, dado que a normativa aplicable en materia de protección de datos esixe a minimización de datos, o que implica que os datos que se soliciten deben ser adecuados, pertinentes e limitados ao necesario en relación cos fins para os que son tratados, polo que non se recada mais información que a estritamente necesaria para a prestación do servizo público de educación. Considera que se trata de datos de categorías especiais, de acordo co disposto no regulamento de protección de datos, ao referirse a datos de saúde. No caso de que exista na Consellería algún dato parcial ao respecto, por telo comunicado o interesado, a única forma de cuantificalo sería acceder ao expediente de cada un dos mais de 12.000 docentes de ESO e Bacharelato dependentes da Consellería, o que suporía paralizar a actividade do órgano administrativo correspondente. Cuarto. Con data do 19 de febreiro ten entrada un escrito complementario presentado pola interesada, co que remite copia da resolución de inadmisión da súa solicitude, e no que manifesta que cando menos, a Consellería dispón dos datos numéricos relativos aos profesores procedentes das listas, dado que se coñece tanto o dato das discapacidades, os movementos das listas e as notas obtidas que deben constar necesariamente informatizados. FUNDAMENTOS XURÍDICOS Primeiro. Competencia e normativa O artigo 24 da Lei 19/2013, do 9 de decembro, de transparencia, acceso á información pública e bo goberno, de carácter básico na súa práctica totalidade, establece que contra toda resolución expresa ou presunta en materia de acceso poderá interpoñerse unha reclamación ante o Consejo de Transparencia y Buen Gobierno, con carácter potestativo e previa a súa impugnación en vía contencioso administrativa. Esa mesma lei, na súa disposición adicional cuarta, establece que a resolución da reclamación prevista no artigo 24 corresponderá, nos supostos de resolucións ditadas polas Administracións das Comunidades autónomas e o seu sector público, e polas Entidades Locais comprendidas no seu ámbito territorial, ao órgano independente que determinen as Comunidades Autónomas.