Acceso a información sobre gasto en licencias de Microsoft, infraestructura informática y planes de software libre en la Deputación Provincial da Coruña

ASUNTO: Resolución da Comisión da Transparencia de Galicia na reclamación presentada ao amparo da disposición adicional quinta da Lei 1/2016, do 18 de xaneiro, de transparencia e bo goberno Vista a reclamación presentada por mediante escrito do 9 de maio de 2021, e considerando os antecedentes e fundamentos xurídicos que se especifican a continuación, a Comisión da Transparencia na sesión celebrada o día 20 de xu llo de 2021, adopta a seguinte resolución: ANTECEDENTES Primeiro. presentou, mediante escrito con entrada no rexistro do Va ledor do Pobo o 10 de maio de 2021, unha reclamación ao amparo do disposto na disposición adicional quinta da Lei 1/2016, do 18 de xaneiro, de transparencia e bo goberno contra a desestimación por silencio administrativo da súa solicitude de acceso ante a Deputación Provincial da Coruña sobre o importe das facturas emitidas nos últi mos 5 anos á compañía Microsoft ou ca lquera outra empresa "partner" autorizada por M icrosoft para comercia lizar calquera licenza ou servizo asociado aos produtos de Microsoft, importe das facturas emitidas nos últimos 5 anos que supoñan o pagamento dunha licenza, dereito de uso de software ou análogos na institución, número de postos de traballo con computadores, número de usuarios na rede informática da instit ución, sistemas operativos implantados e pian de implantación de tecnoloxías con software libre. O reclamante indicaba que non recibira resposta á súa solicitude de información. O escrito viña acompañado de copia da solicitude presentada e do seu DNI. (+34} 98156 97 40 Rúa do Hórreo, 65 15700, Santiago de Compostela A Coruña info@comísiondatransparencia.gal wv,w.comisíondatransparencia.gal Segundo. Con data do 11 de maio de 2021 déuselle traslado da documentación achegada polo reclamante á Deputación Provincial da Coruña para que, en cumprimento da normativa de transparencia, achegase informe e copia completa e ordenada do expediente. A recepción da solicitude pola administración foi o 13 de maio de 2021. Terceiro. Con data do 22 de xuño de 2021, a Deputación Provincial da Coruña contesta a petición remitindo un informe do Servizo de Sistemas e Soporte, sen que conste que a mesma se remitise ao interesado .. FUNDAMENTOS XURÍDICOS Primeiro. Competencia e normativa O artigo 24 da Lei 19/2013, do 9 de decembro, de transparencia, acceso á información pública e bo goberno, de carácter básico na súa práctica totalidade, establece que contra toda resolución expresa ou presunta en materia de acceso á información, poderá interpoñerse unha reclamación ante o Consejo de Transparencia y Buen Gobierno, con carácter potestativo e previa a súa impugnación en vía contencioso-administrativa. Esa mesma lei, na súa disposición adicional cuarta, establece que a resolución da reclamación prevista no artigo 24 corresponderá, nos supostos de resolucións ditadas polas Administracións das Comunidades autónomas e o seu sector público, e polas Entidades Locais comprendidas no seu ámbito territorial, ao órgano independente que determinen as Comunidades Autónomas. O artigo 28 da Lei 1/2016, do 18 de xaneiro, de transparencia e bo goberno, establece que contra toda resolución expresa ou presunta en materia de acceso á información pública, poderá interpoñerse unha reclamación ante o Valedor do Pobo, correspondendo á Comisión da Transparencia, de acordo co disposto no artigo 33, a resolución das devanditas reclamacións. A disposición adicional quinta da lei establece que resolver esas reclamacións corresponderá, no suposto de resolucións ditadas polas entidades locais de Galicia, ao Valedor do Pobo, ao que se adscribe a Comisión da Transparencia, que por tanto é a competente para resolver. Segundo. Procedemento aplicable O artigo 28.3 da citada Lei 1/2016 establece que o procedemento de reclamación axustarase ao previsto nos parágrafos 2, 3, e 4 do artigo 24 da Lei 19/2013, que establece que as reclamacións contra resolucións en materia de acceso á información, que ten carácter potestativo e previo á impugnación en vía contencioso-administrativa, axustarán a súa tramitación ao disposto na lexislación de procedemento administrativo común en materia de recursos. (+34) 98156 97 40 Rúa do Hórreo, 65 15700, Santiago de Compostela A Coruña [email protected]! www.comisiondatransparencia.gal Terceiro. Dereito de acceso á información pública A Lei 1/2016, do 18 de xaneiro, recoñece no seu artigo 24 o dereito de todas as persoas a acceder á información públíca, entendida esta como os contidos ou documentos, calquera que sexa o seu formato ou soporte, que consten en poder dalgún dos suxeitos incluídos no ámbito de aplicación desta lei e que fosen elaborados ou adquiridos en exercicio das súas funcións, do mesmo xeito que a definición contida no artigo 13 da Lei estatal 19/2013 que ten carácter básico. O concepto de información pública e o dereito de acceso á mesma configúranse de forma ampla tanto na normativa autonómica como na estatal. Os titulares do dereito son todas as persoas, sen que o solicitante estea obrigado a motivar a súa solicitude de acceso á información (art. 26.4 Lei 1/2016, do 18 de xaneiro). O obxecto da Lei 19/2013, é ampliar e reforzar a transparencia da actividade pública e regular e garantir o dereito de acceso a información relativa a aquela actividade (art. 1). No seu preámbulo sinala que a transparencia, o acceso á información pública e as normas de bo goberno deben ser os eixos fundamentais de toda acción política e só cando a acción dos responsables públicos sométese a escrutinio, cando os cidadáns poden coñecer como se toman as decisións que lles afectan, como se manexan os fondos públicos ou baixo que criterios actúan as nosas institucións pódese falar do inicio dun proceso no que os poderes públicos comezan a responder a unha sociedade que é crítica, esixente e que demanda participación dos poderes públicos. Pola súa banda, a Lei galega 1/2016, sinala na súa Exposición de Motivos que a crecente esixencia cidadá de control público da actuación das administracións aconsella a aprobación dunha norma que supera os anteriores estándares e que se concreta nun texto legal que establece esixencias engadidas de transparencia e acceso á información pública. Cuarto. Prazo para a interposición do recurso O artigo 28.3 da Lei 1/2016, establece que o procedemento das reclamacións fronte ás resolucións en materia de acceso á información pública axustarase ao previsto no artigo 24 da Lei 19/2013. O artigo 24 da Lei 19/2013 establece que fronte a toda resolución expresa ou presunta en materia de acceso a información poderá interpoñerse unha reclamación con carácter potestativo e previo á súa impugnación na vía contencioso-administrativa. (+34) 98156 97 40 Rúa do Hórreo, 65 [email protected] www.cornisiondatransparencia.ga1 Esta reclamación interpoñerase no prazo dun mes para contar desde o día seguinte ao da notificación do acto impugnado ou desde o día seguinte a aquel no que se produzan os efectos do silencio administrativo. Tal e como establece o Criterio lnterpretativo 1/2016, do Consejo de Transparencia y Buen Gobierno, de acordo con reiterada doutrina xurisprudencial e coas previsións normativas contidas nos artigos 122 e 124 da Lei 39/2015, poderanse interpoñer recursos de alzada e reposición, respectivamente, respecto de resolucións presuntas en calquera momento fronte a actos que non sexan expresos. A Deputación Provincial da Coruña non resolveu a solicitude de acceso á información expresamente, polo que polo que debe admitirse a reclamación por estar presentada en prazo. Quinto.- Análise do expediente Na súa solicitude, o reclamante requiría o acceso á seguinte información: o importe das facturas emitidas nos últimos 5 anos á compañía Microsoft ou calquera outra empresa "partner" autorizada por Microsoft para comercializar calquera licenza ou servizo asociado aos produtos de Microsoft; o importe das facturas emitidas nos últimos 5 anos que supoñan o pagamento dunha licenza, dereito de uso de software ou análogos na institución; número de postos de traballo con computadores; número de usuarios na rede informática da institución; sistemas operativos implantados; pian de implantación de tecnoloxías con software. A Deputación Provincial remite a esta Comisión un informe do Servizo de Sistemas e Soporte, que non consta que fose remitido ao solicitante. Nese informe, no referente á primeira información, a Deputación remítese ao seu portal de transparencia. Algo parecido fai no segundo caso no que respecta ás subministracións de equipas informáticos e nos detalles dun expediente de contratación. Neste sentido, é certo que, consonte o artigo 22.3 da Lei 19/2013, se a información xa foi obxecto de publicidade activa, a administración pode limitarse a indicarlle ao solicitante como acceder a ela. Con todo, tal e como pon de manifesto o Criterio lnterpretativo 9/2015, do Consejo de Transparencia y Buen Gobierno, "[e]n ningún caso será suficiente únicamente la remisión genérica al portal o a la sede o página web correspondiente", dado que "[e]s necesario que se concrete la respuesta". f, Q (+34) 98156 9740 Rua do Hórreo, 6S ~, ' : ·: \\t'~.t 1S700, Santiago de Compostela ,t, f • ; t t:·;-1nsparenna ACoruña ✓:¡ ~ -~ c;aHr.:ic:1 (':'¡ [email protected] wv,m.c.omisiondatranspanmcia.gal " Neste sentido, o CTBG esixe que a administración se refira a "las informaciones exactas que se refieran a lo solicitado, siendo requisito que la remisión sea precisa y concreta y lleve, de forma inequíoca, rápida y directa a la información sin necesidad de requisitos previos, ni de sucesivas búsquedas". Pois ben, nos casos obxecto de análise, non poden considerarse cumpridos os requisitos previstos por canto a Deputación non identifica os contratos concretos cuxo importe desexa coñecer o reclamante. Debemos ter en conta que "la publicidad activa no lleva en ningún caso aparejada una obligación de consulta por parte de los interesados", de tal maneira que, no suposto de que esa información estea publicada, a remisión a ela deberá facerse de maneira concreta e individualizada, do mesmo xeito que se faría se non o estivese. Neste caso non parece que sexa necesaria unha acción previa de reelaboración (art. 18.1.c} Lei 19/2013), como parece deducir o informe da administración. Debemos ter en conta que nesta causa de inadmisión non poden incluírse os supostos en que sexa necesaria a mera agregación ou suma de datos, de acordo co Criterio lnterpretativo 7/2015, do Consejo de Transparencia y Buen Gobierno. En última instancia, mesmo se se entende que podemos estar ante información cuxo volume ou complexidade fixese necesario un proceso específico de traballo para subminist rarlla ao interesado, pero este tampouco sería un caso de inadmisión da solicitude, senón de ampliación do prazo para resolver (vid. o mesmo Criterio lnterpretativo). De acordo co anterior, ao non constar a remisión da información ao solicitante, procede a estimación da reclamación presentada. Debe lembrarse á Deputación Provincial da Coruña que, de acordo co disposto no artigo 20.6 da Lei 19/2013, o incumprimento reiterado da obrigación de resolver en prazo ten a consideración de infracción grave para os efectos da aplicación aos responsables do réxime disciplinario previsto na correspondente normativa reguladora. En base aos feitos e fundamentos de dereito anteriormente expresados, a Comisión da Transparencia, ACORDA Primeiro: Estimar a reclamación presentada por con data do 10 de maio de 2021 contra a desestimación por silencio administrativo da súa solicitude de acceso ante a Deputación Provincia l da Coruña sobre o importe das facturas emitidas nos últimos.5 anos á compañía Microsoft ou calquera outra empresa "partner" autorizada por Microsoft para comercializar calquera licenza ou servizo asociado aos produtos de Microsoft, importe [email protected] www.c.omisiondatransparencia.ga1 das facturas emitidas nos últimos 5 anos que supoñan o pagamento dunha licenza, dereito de uso de software ou análogos na institución, número de postos de traballo con computadores, número de usuarios na rede informática da institución, sistemas operativos implantados e pian de implantación de tecnoloxías con software libre. Segundo: Instar á Deputación Provincial da Coruña a que, no prazo máximo de 10 días hábiles, responda ao interesado á petición de información solicitada, respectando os límites dos artigos 14 e 15 da Lei 19/2013, do 9 de decembro, e o artigo 22 da mesma lei, no que fai á formalización do acceso. Terceiro: Instar á Deputación Provincial da Coruña a que, no prazo máximo de 15 días hábiles, remita a esta Comisión da Transparencia copia do envío ao reclamante da información solicitada. Contra esta resolución que pon fin á vía administrativa unicamente cabe, en caso de desconformidade, interpoñer recurso contencioso-administrativo no prazo de dous meses, contados desde o día seguinte á notificación desta resolución, ante a Sala do contencioso- administrativo do Tribunal Superior de Xustiza de Galicia, de conformidade co previsto no artigo 10.1 da Lei 29/1998, do 13 de xullo, reguladora da xurisdición contencioso- administrativa. Santiago de Compostela, Firmado digitalmente por 76706870F MARIA DOLORES FERNANDEZ (R: S6500009C) Fecha: 2021.07.22 11 :36:34 +02'00' María Dolores Fernández Galiño Presidenta da Comisión da Transparencia.