Reclamación por inadmisión de solicitud de acceso a informe de la CHMS sobre declaración de PIA del proyecto del Celta

ASUNTO: Resolución da Comisión da Transparencia de Galicia na reclamación presentada ao amparo do artigo 28 da Lei 1/2016, do 18 de xaneiro, de Transparencia e Bo Goberno Vista a reclamación presentada por Asociación Ecoloxistas en Acción Rías Baixas, mediante escrito do 22 de Febreiro de 2024, a presidenta da Comisión da Transparencia en virtude da delegación outorgada pola referida Comisión en sesión do 26 de xuño de 2018, considerando os antecedentes e fundamentos xurídicos que se especifican a continuación, adopta a seguinte resolución: ANTECEDENTES Primeiro. Asociación Ecoloxistas en Acción Rías Baixas presentou, mediante escrito con entrada no rexistro do Valedor do Pobo o día 22 de Febreiro de 2024., unha reclamación ao amparo do disposto no artigo 28 da Lei 1/2016, do 18 de xaneiro, de Transparencia e Bo Goberno, contra a inadmisión da súa solicitude de acceso a copia de informe da CHMS respecto a declaración de PIA ao proxecto XXX do Celta. Segundo. Con data de 7 de marzo de 2024, requiriuse á Asociación solicitante para que acreditase a identidade da persoa representante da Asociación (copia do seu DNI ou certificado dixital), acreditase a representación da Asociación por calquera medio válido en dereito, e remitise copia da resolución contra a que presenta a reclamación en materia de Transparencia, para o que se lle concedeu un prazo de dez días. O requirimento remitíuselle á dirección de correo electrónico que consta na reclamación, sen que se recibise resposta. FUNDAMENTOS XURÍDICOS Primeiro. Competencia e normativa O artigo 24 da Lei 19/2013, do 9 de decembro, de transparencia, acceso á información pública e bo goberno, de carácter básico na súa práctica totalidade, establece que contra toda resolución expresa ou presunta en materia de acceso á información, poderá interpoñerse unha reclamación ante o Consejo de Transparencia y Buen Gobierno, con carácter potestativo e previa a súa impugnación en vía contencioso-administrativa. Esa mesma lei, na súa disposición adicional cuarta, establece que a resolución da reclamación prevista no artigo 24 corresponderá, nos supostos de resolucións ditadas polas Administracións das Comunidades autónomas e o seu sector público, e polas Entidades Locais comprendidas no seu ámbito territorial, ao órgano independente que determinen as Comunidades Autónomas. O artigo 28 da Lei 1/2016, do 18 de xaneiro, de transparencia e bo goberno, establece que contra toda resolución expresa ou presunta en materia de acceso á información pública, poderá interpoñerse unha reclamación ante o Valedor do Pobo, correspondendo á Comisión da Transparencia, de acordo co disposto no artigo 33, a resolución das devanditas reclamacións. A Comisión da Transparencia, en sesión celebrada o 26 de xuño de 2018, acordou delegar na presidenta da comisión a resolución das reclamacións nas que se teña por desistido ao solicitante por non remitir en prazo a documentación que se lle requira Segundo. Procedemento aplicable O artigo 28.3 da citada Lei 1/2016 establece que o procedemento de reclamación axustarase ao previsto nos parágrafos 2, 3, e 4 do artigo 24 da Lei 19/2013, que establece que as reclamacións contra resolucións en materia de acceso á información, que ten carácter potestativo e previo á impugnación en vía contencioso-administrativa, axustarán a súa tramitación ao disposto na lexislación de procedemento administrativo común en materia de recursos. Terceiro. Análise do expediente. O artigo 68.1 da Lei 39/2015, do 1 de outubro de procedemento Administrativo Común das Administracións Públicas establece que se a solicitude de iniciación non reúne os requisitos esixidos pola lexislación aplicable, requirirase ao interesado para que, nun prazo de dez días, emende a falta ou acompañe os documentos preceptivos, con indicación de que, se así non o fixese, teráselle por desistido da súa petición, previa resolución que deberá ser ditada nos termos previstos no artigo 21. De acordo co anterior, dado que o interesado non achegou en prazo a documentación que se lle requiriu, procede o arquivo da reclamación por desistencia. En base aos feitos e fundamentos de dereito anteriormente expresados, e en virtude da delegación de competencias outorgada pola Comisión de Transparencia de Galicia en sesión do 28 de setembro de 2018 (DOG nº 193 do 9 de outubro), a Presidenta da Comisión da Transparencia ACORDA Único: Arquivar, por inactividade do interesado, a reclamación presentada por Asociación Ecoloxistas en Acción Rías Baixas con data do 22 de febreiro de 2024, por desistencia da Asociación interesada. Contra esta resolución, que pon fin á vía administrativa, unicamente cabe, en caso de desconformidade, interpoñer recurso contencioso-administrativo, non prazo de dous meses, contados desde ou día seguinte á notificación desta resolución, de conformidade co previsto non artigo 8.3 a Lei 29/1998, do 13 de xullo, reguladora dá xurisdición contencioso- administrativa. Santiago de Compostela, Mª Dolores Fernández Galiño Presidenta da Comisión da Transparencia